Një diplomat rus, që shërben në kryeqytetin bullgar Sofje, është deportuar për mbledhjen e informacionit të klasifikuar për më shumë se një vit, transmeton Anadolu Agency (AA).
Zyra e prokurorit në Sofje tha se kishte marrë informacion nga agjencia e sigurisë kombëtare se sekretari i parë i Ambasadës së Rusisë ishte përfshirë në spiunazh.
Një hetim tha se diplomati, emri i të cilët nuk u bë i ditur, nga shtatori i kaluar kishte mbledhur informacion të klasifikuar për Bullgarinë, Bashkimin Evropian (BE) dhe NATO-n.
Prokurorët thanë se personi nën mbikëqyrje u hetua për kryerjen e krimeve kundër shtetit dhe se provat e krimeve të tij ishin të padiskutueshme. Ata theksuan se diplomati rus po ashtu pagoi para për burimet e tij të informacionit.
Prokurori Sotir Tzatzarov tha se ata e kishin mbyllur hetimin, sepse i dyshuari kishte imunitet diplomatik, por Tzatzarov u takua me kryediplomaten bullgare, Ekaterina Zaharieva, për ndërmarrjen e veprimeve të nevojshme.
Ministria e Punëve të Jashtme e Bullgarisë në një deklaratë me shkrim konfirmoi se diplomati u largua nga Bullgaria.
Bullgaria u bashkua me aleancën e NATO-s në vitin 2004, ndërsa anëtare e BE-së u bë në vitin 2007.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...